Туркиянинг "Трабзонспор" клубига ижарага берилган "МЮ"нинг камерунлик дарвозабони Андре Онана жамоасининг голида иштирок этди. Суперлига 6-туридан ўрин олган "Газиантеп" - "Трабзонспор" учрашуви 1:1 ҳисобида якунланди.
70-дақиқада 0:1 ҳисоби вақтида Онана ўз жарима майдонидан чиққан ҳолда ҳужумдаги шеригига ҳаволатиб узатма берди. Рақиб майдонида турган Пол Онуачу узатмани қабул қилиб, рақибидан тезликда ўзиб кетди, кейин унга қарши югуриб келган дарвозабонни доғда қолдирди ва ҳисобни тенглаштирди.
Ушбу беллашувдан сўнг "Трабзонспор" 11 очко билан тўртинчи ўринда бормоқда. Захирада бир ўйини бор "Фенербахче" ҳам шунча очко тўплади. "Гезтепе"да 6 ўйинда 12 очко, "Галатасарой"да 5 ўйинда 15 очко.
