Turkiyaning "Trabzonspor" klubiga ijaraga berilgan "MYU"ning kamerunlik darvozaboni Andre Onana jamoasining golida ishtirok etdi. Superliga 6-turidan o‘rin olgan "Gaziantep" - "Trabzonspor" uchrashuvi 1:1 hisobida yakunlandi.
70-daqiqada 0:1 hisobi vaqtida Onana o‘z jarima maydonidan chiqqan holda hujumdagi sherigiga havolatib uzatma berdi. Raqib maydonida turgan Pol Onuachu uzatmani qabul qilib, raqibidan tezlikda o‘zib ketdi, keyin unga qarshi yugurib kelgan darvozabonni dog‘da qoldirdi va hisobni tenglashtirdi.
Ushbu bellashuvdan so‘ng "Trabzonspor" 11 ochko bilan to‘rtinchi o‘rinda bormoqda. Zaxirada bir o‘yini bor "Fenerbaxche" ham shuncha ochko to‘pladi. "Geztepe"da 6 o‘yinda 12 ochko, "Galatasaroy"da 5 o‘yinda 15 ochko.
