Таниқли журналист Пабло Жиралт Х ижтимоий тармоғида "Олтин тўп-2025" учун овоз бериш натижаларини эълон қилди. Инсайдернинг ёзишича, мукофотни "Барселона" ва Испания терма жамоаси вингери Ламин Ямал қўлга киритади. Иккинчи ўринни "ПСЖ" қанот ҳужумчиси Усмон Дембеле эгаллади.

Эслатиб ўтамиз, бугун, 22 сентябрь куни France Football журнали томонидан ўтказиладиган жаҳоннинг энг яхши футболчиларига 69 йиллик тақдирлаш маросими бўлиб ўтади. Тадбир Париждаги Шатле театрида бўлади.
Тарихда тўртинчи марта мукофот календарь йили эмас, балки мавсум якунлари бўйича (2024 йил 1 августдан 2025 йил 13 июлгача) топширилади. Овоз бериш жараёнида ФИФАнинг долзарб топ-100 рейтингига кирувчи мамлакатлардан спорт журналистлари иштирок этди.













