Яқинда Мюнхеннинг "Бавария" клуби ҳужум чизиғи етакчиси Харри Кейн Англия чемпионатига қайтиши мумкинлиги ҳақида хабарлар тарқалди. Бироқ, The Telegraph нашрига маълум бўлишича, ҳужумчи катта эҳтимол билан немис клубини тарк этмайди.
Маълум бўлишича, Кейннинг оиласи Мюнхендаги ҳаётидан мамнун, ҳужумчининг ўзи эса "Бавария"да тўп сураётганидан бахтиёр. Кейнга яқин манбалар унинг АПЛдан клубга ўтиши мумкинлиги ҳақидаги маълумотни тасдиқламади.
Англия терма жамоаси ҳужумчиси 2023 йилнинг ёзида "Тоттенхэм"дан "Бавария"га кўчиб ўтганди. Юлдуз ҳужумчи немис клуби сафида барча мусобақаларда 103 та ўйинда 98 та гол урган ва 29 та голли узатмани амалга оширган. Кейннинг "Бавария" билан амалдаги шартномаси 2027 йилнинг ёзигача мўлжалланган.
