Лондоннинг "Арсенал" клуби раҳбарияти жамоа ҳужумчиси Букайо Сака билан меҳнат шартномасини узайтирмоқчи.
Аввалроқ Давид Орнштейн "канонирлар" ҳимоячи Уильям Салиба билан янги беш йиллик шартнома борасида келишиб олганини маълум қилганди.
Журналист Бен Жейкобснинг ёзишича, энди пойтахт клуби Сака билан ҳам меҳнат шартномасини узайтиришни режалаштирмоқда. Таъкидланишича, "Арсенал" аллақачон бу борада фаол иш олиб бормоқда.
Сака 2019 йилдан бери "Арсенал"нинг асосий жамоасида ўйнамоқда. Бу мавсумда 24 ёшли вингер барча мусобақаларда тўртта ўйинда битта гол урди.
Футболчининг клуб билан амалдаги шартномаси 2027 йилнинг июнигача мўлжалланган. Transfermarkt портали инглизнинг нархини 150 миллион еврога баҳоламоқда.
