"Бавария" дарвозабони Мануэль Нойер ҳужумчи Харри Кейнни жамоанинг собиқ юлдузи Роберт Левандовски билан таққослади.

Польшалик ҳужумчи 2022 йилда Мюнхен гранди сафини тарк этиб, "Барселона"га кўчиб ўтганди. Бир йил ўтгач, "Бавария" Кейн билан шартнома имзолади.

"Левандовскининг "Бавария"да қанчалик яхши ўйнаганини ҳамма билади, лекин Харри ҳам, албатта, ундан кам бўлмаган аҳамиятга эга. Унинг кўрсаткичлари ноёб, у бизга ақл бовар қилмайдиган фойда келтиради", - дея Нойернинг сўзларини келтиради Bayern & Germany.

Роберт Левандовски "Бавария" сафида 375 та ўйинда 344 та гол урган. Харри Кейн ҳисобида 104 та ўйинда 100 та гол мавжуд. Жума куни 32 ёшли футболчи "Вердер"га қарши ўйинда (4:0) дубль қайд этди.