"Барселона"нинг иккинчи жамоаси дарвозабони Диего Кочен жароҳат олган Жоан Гарсия туфайли асосий жамоа сафига қайтарилди.
"Кўк-анорранглилар"нинг асосий дарвозабони яқинда тиззасидан жароҳат олди ва аллақачон операция қилинди - тикланиш бир ойдан кўпроқ вақт олиши мумкин. Бу вақтда "биринчи рақам" Войцех Шесни бўлиши кутилмоқда. Бундан ташқари, Mundo Deportivo хабарига кўра, "Барселона" Коченни ёшлар ўртасидаги жаҳон чемпионатидан зудлик билан чақириб олишга мажбур бўлган. 19 ёшли кипер Чилида бўлиб ўтадиган турнирда АҚШнинг 20 ёшгача бўлган терма жамоасини ҳимоя қилиши керак эди, аммо бунинг ўрнига у Ханс-Дитер Флик жамоасида Шеснига ўринбосар бўлади.
Диего Кочен "Барселона" ўйинлари қайдномасидан бир неча бор жой олган, аммо ҳали дебют қилгани йўқ.
