"Атлетико" ҳужумчиси Хулиан Альварес Ла Лиганинг жорий мавсумида 7 та ўйинда 6 та гол урди ва ажойиб ўйин кўрсатишда давом этмоқда.
"Барселона"нинг қизиқиши ва Премьер-лигага қайтиш ҳақидаги миш-мишларга қарамай, мураббий Диего Симеоне Football-Espana нашрига берган интервьюсида футболчининг жамоа учун аҳамиятини таъкидлади:
"Хулиан - бизда энг яхши ўйинчи. У "Атлетико"да узоқ йиллар қолиши ва янада кучлироқ бўлиши учун унга ғамхўрлик қилишимиз керак".
Аввалроқ, аргентиналик футболчига "Ливерпуль" қизиқиш билдираётган эди, аммо музокаралар футболчининг нархи юқорилиги сабабли мураккаблашмоқда. Football Insider манбаларига кўра, "Атлетико" 100 млн фунтдан кўпроқ маблағ талаб қилган, бу эса инглиз клуби учун трансферни жуда қийинлаштиради.
"Атлетико" фақат шу суммага сотишни кўриб чиқишга тайёр, чунки Диего Симеоне қўл остида Альварес жамоанинг асосий футболчиси бўлиб қолмоқда.
