"Аталанта" ўз майдонида Чемпионлар Лигаси-2025/26 умумий босқичи 2-туридан ўрин олган баҳсда "Брюгге"ни мағлуб этди - 2:1.
Учрашувда ҳисобни меҳмонлар ярим ҳимоячиси Христос Тзолис 38-дақиқада очди. Иккинчи бўлимда мезбонлар футболчиси Лазар Самарджич пенальтидан унумли фойдаланиб, ҳисобни тенглаштирди.
87-дақиқада Марио Пашалич гол уриб, "Аталанта"га ғалаба келтирди.
"Аталанта" очколарини 3 тага етказиб, турнир жадвалида 15-ўринга кўтарилиб олди. "Брюгге" (3) эса 5-поғонага тушиб кетди.
Италия жамоаси EЧЛнинг навбатдаги турида 22 октябрь куни ўз майдонида "Славия"га қарши баҳс олиб боради. Бельгия клуби эса шу куни "Бавария"га қарши майдонга тушади.
Чемпионлар лигаси, 2-тур
30.09.2025, сешанба, 21:45
Аталанта - Брюгге - 2:1
Голлар: Тзолис, 38 (0:1). Самарджич, 74 - пенальтидан (1:1). Пашалич, 87 (2:1)
Аталанта: Карнесекки, Джимсити, Аханор, Коссуну (Муса, 53), Эдерсон (Самарджич, 61), де Рон, Бернаскони, Белланова (Дзаппакоста, 46), Пашалич, Лукман (Сулемана, 61), Крстович (Брешанини, 89)
Брюгге: Яккерс, Ордоньес (Ромеро, 89), Мехеле, Сейс, Саббе (Мейер, 89), Станкович, Ванакен, Сандра (Кэмпбелл, 89), Тзолис, Боржеш (Ветлесен, 75), Тресольди (Верман, 63)
Огоҳлантиришлар: Муса, 58. де Рон, 81
