"Atalanta" o‘z maydonida Chempionlar Ligasi-2025/26 umumiy bosqichi 2-turidan o‘rin olgan bahsda "Bryugge"ni mag‘lub etdi - 2:1.
Uchrashuvda hisobni mehmonlar yarim himoyachisi Xristos Tzolis 38-daqiqada ochdi. Ikkinchi bo‘limda mezbonlar futbolchisi Lazar Samardjich penaltidan unumli foydalanib, hisobni tenglashtirdi.
87-daqiqada Mario Pashalich gol urib, "Atalanta"ga g‘alaba keltirdi.
"Atalanta" ochkolarini 3 taga yetkazib, turnir jadvalida 15-o‘ringa ko‘tarilib oldi. "Bryugge" (3) esa 5-pog‘onaga tushib ketdi.
Italiya jamoasi ECHLning navbatdagi turida 22 oktyabr kuni o‘z maydonida "Slaviya"ga qarshi bahs olib boradi. Belgiya klubi esa shu kuni "Bavariya"ga qarshi maydonga tushadi.
Chempionlar ligasi, 2-tur
30.09.2025, seshanba, 21:45
Atalanta - Bryugge - 2:1
Gollar: Tzolis, 38 (0:1). Samardjich, 74 - penaltidan (1:1). Pashalich, 87 (2:1)
Atalanta: Karnesekki, Djimsiti, Axanor, Kossunu (Musa, 53), Ederson (Samardjich, 61), de Ron, Bernaskoni, Bellanova (Dzappakosta, 46), Pashalich, Lukman (Sulemana, 61), Krstovich (Breshanini, 89)
Bryugge: Yakkers, Ordonyes (Romero, 89), Mexele, Seys, Sabbe (Meyer, 89), Stankovich, Vanaken, Sandra (Kempbell, 89), Tzolis, Borjesh (Vetlesen, 75), Tresoldi (Verman, 63)
Ogohlantirishlar: Musa, 58. de Ron, 81
