"Арсенал" кеча ҳимоячи Вильям Салиба билан шартномани узайтирганини эълон қилди. Навбатда Букаё Сака турибди, унинг амалдаги меҳнат шартномаси 2026/2027 йилги мавсум охиригача мўлжалланган.
Transfer News Live нашрининг журналист Алекс Крукка таяниб хабар беришича, "Арсенал" Сакага ҳафтасига 250 минг фунтдан (286 минг евро) кўпроқ маош тўлашга тайёр. "Тўпчилар"нинг фикрича, бундай маош футболчини меҳнат шартномасини узайтиришга кўндиради.
Ҳозир матбуотга ишонадиган бўлсак, Сака ҳафтасига 195 минг фунт атрофида маош олади. Букайо "канонирлар"нинг асосий жамоасида 268 та ўйин ўтказиб, 71 та гол урган ва шерикларига 71 та голли узатмани амалга оширган.
