Ёзда ҳимоячи Трент Александр-Арнолд "Ливерпуль"ни "Реал"га алмаштирган эди. Матбуот Вильям Салибани ҳам Мадрид гранди билан фаол боғлаган эди, аммо куни кеча франциялик ҳимоячи "Арсенал" билан шартномани узайтирди. Салиба ўзини Трентдан нима фарқлашини айтиб берди.
"Трент "Ливерпуль"да бир нечта унвонларни қўлга киритган. Мен эса "Арсенал"да Англия Суперкубогидан бошқа ҳеч нарса ютмаганман. "Арсенал"да қолиб, кўплаб совринларни қўлга киритишни хоҳлайман. Мен бу клубни севаман ва унга ҳеч нарса бермасдан кетолмайман," - деди Салиба журналистларга.
Илгари хабар қилинганидек, янги шартнома Вильям Салибани "Арсенал" билан 2029/2030 йилги мавсум охиригача боғлаб туради.
