"Манчестер Юнайтед"нинг афсонавий собиқ ярим ҳимоячиси Поль Скоулз жамоа бош мураббийи Рубен Аморим ҳақида қандай фикрда эканини айтди.
Португалиялик мутахассис "қизил иблислар"нинг мавсум стартидаги муваффақиятсиз ўйинидан кейин қаттиқ танқидларга учради. Премьер-лиганинг ўтган турида манкунианликлар "Брентфорд"га имкониятни бой бериб қўйганди (1:3).
"Аморим ўйинлар пайтида жуда ёлғиз кўринади. Энг яхши мураббийларга қаранг - улар унинг фонида салобатли кўринади. Рубенни улар билан таққослаш қийин," - дея Скоулзнинг сўзларини келтиради The Touchline.
4 октябрь, шанба куни "Манчестер Юнайтед" ўз майдонида "Сандерленд"га қарши баҳс олиб боради.
