"Тоттенхэм" клуби ўзининг расмий саҳифаларида ярим ҳимоячи Родриго Бентанкур билан янги узоқ муддатли шартнома имзолаганини эълон қилди.
Футболчининг аввалги келишуви 2026 йилнинг июнида ўз ниҳоясига етиши керак эди. Янги меҳнат шартномасининг амал қилиш муддати ошкор этилмаган, фақат у узоқ муддатга мўлжалланганлиги маълум.
Футболчи 2022 йилда 19 миллион евро эвазига "Ювентус"дан Лондон клубига ўтганди. Жорий мавсумда ярим ҳимоячи барча мусобақаларда тўққизта ўйин ўтказди, аммо ҳозирча шерикларига гол ёки голли узатма бера олмади. Жамоа олтита ўйинда 11 очко тўплаб, АПЛда тўртинчи ўринда бормоқда.
