Англия терма жамоасининг собиқ ҳужумчиси Уэйн Руни 2006 йилги жаҳон чемпионатида қизил карточка олгани ҳақидаги хотиралари билан ўртоқлашди.
Бу Португалияга қарши чорак финал учрашувида юз берди. Руни Португалия терма жамоаси футболчиларидан бири Рикарду Карвальюга нисбатан қўполлик ишлатди.
Ғазабланган Криштиану Роналдуни четга суриб юборган Руни қизил карточка олди. Ўшанда Руни ва Роналду "Манчестер Юнайтед"да жамоадош бўлган.
"Мен Криштиану билан ўйиндан сўнг дарҳол у билан гаплашдим ва ҳеч қандай муаммо йўқ эди. Мен унга ярим финалда фақат омад тиладим.
Биз ўйин давомида рақиб эдик, бироқ ўйин якунланиб, "Юнайтед"га қайтганимиздан кейин ҳаммаси яхши бўлган", - дея Рунининг сўзларини келтиради Beinsports.com.
