Рубен Аморим яқин соатлар ичида "Манчестер Юнайтед" бош мураббийлигидан истеъфога чиқарилиши мумкин. The Telegraph хабарига кўра, агар жамоа шанба куни Премьер-лига доирасидаги "Сандерленд"га қарши уй учрашувида мағлуб бўлса, "қизил иблислар" босслари мураббийга чиқиш эшикларини кўрсатиши мумкин.
Манбага кўра, агар "Манчестер Юнайтед" мағлубиятга учраса, унда клуб раҳбариятида терма жамоалар ўйинларидаги танаффусдан фойдаланиб, Аморимни истеъфога чиқаришга жиддий қизиқиш пайдо бўлади.
Ўтган турда "Манчестер Юнайтед" сафарда "Брентфорд"га 1:3 ҳисобида имкониятни бой берганди. Айни дамда "қизил иблислар" Премьер-лига жадвалида 14-ўринни эгаллаб турибди.
