Каталониянинг "Барселона" клуби Бундеслига чемпиони марказий ҳимоячисини ўз сафига қўшиб олиш учун Англиянинг "Ливерпуль" клубига рақобат яратишга тайёр.
26 ёшли Дайо Упамекано келаси ёзда эркин агентга айланиши мумкин, чунки унинг мюнхенликлар билан шартномаси 2026 йилнинг 30 июнида якунига етади.
Аввалроқ мерсисайдликлар бу имкониятдан фойдаланиб, Дайони текинга қўлга киритмоқчи экани ҳақида хабарлар тарқалганди, бироқ "Барселона" ҳам футболчини шорт-листига киритди ва Упамеканога шартнома таклиф қилади.
"Бавария" француз билан шартномани узайтириш бўйича келиша олмаётган асосий муаммо - молиявий масала, чунки мюнхенликлар футболчининг маошини оширишга тайёр эмас, бу ҳимоячи вакилларининг талабларидан бири.
