Собиқ юлдуз ҳужумчи, ҳозирда “Милан” клубининг катта маслаҳатчиси сифатида фаолият юритаётган Златан Ибраҳимович ҳаётдаги бахт тушунчаси ҳақида фикр билдирди.

«Оддий даражадаги пул билан ҳам яхши ҳаёт кечирса бўлади. Аммо ҳозирги кунда қайси миқдорни “оддий” дейиш мумкин? Мен икки хил ҳолатни кўрганман: пулсиз оилада туғилганман, отам ойига минг евро топарди ва биз шу маблағни бўлиб ишлатардик. Бу унинг пули эди, лекин зарур бўлса, у мен билан ҳам бўлишарди. Шу даврларда ҳам мен бахтли эдим. Демак, масала нима ҳақда?

Бахт... Бу нима дегани? Ҳозир мен бахтлиман, аммо 10 дақиқадан кейин ҳаммасини ўзгариши мумкин. Шунинг учун фақат ўша дақиқаларнинг ўзи аҳамиятли. Пул ҳаётни енгиллаштиради, аммо сени бахтли қилолмайди, деб ўйлайман. Мен учун муҳим нарса — айнан ўша лаҳзалар. Масалан, мен “Барселона”га ўтишни орзу қилганман, аммо бир йил ўтиб, бу орзу ҳақиқий тушкунликка айланди. Ҳаёт шундай лаҳзалардан иборат», — деди Ибраҳимович Sport.es нашрига берган интервьюсида.