"Реал"нинг франциялик ҳужумчиси Килиан Мбаппе келаси йилги "Олтин тўп" учун асосий даъвогар бўлиб турибди. Бу ҳақда Give me Sport хабар берди.
Рейтингнинг иккинчи поғонасидан Испания терма жамоаси ва Каталониянинг "Барселона" клуби 18 ёшли вингери Ламин Ямал жой олган. Учинчи поғонани Мюнхеннинг "Бавария" клуби тўпурари Харри Кейн банд этган.
Бу йил нуфузли совринни қўлга киритган "ПСЖ" вингери Усмон Дембеле тўртинчи, "Барселона" хавбеки Педри эса бешинчи ўринда қайд этилган.
Шунингдек, ўнликдан Эрлинг Холанд, Жуд Беллингем, Муҳаммад Салоҳ, Винисиус Жуниор ва Родри Эрнандес ҳам жой олган. Лионель Месси 16-ўринни, Криштиану Роналду эса 20-ўринни эгаллади.
Маълумот учун, келаси йилги соврин тақдирини катта эҳтимол билан ЖЧ-2026 ҳал қилиши мумкин.
