"Рома" ҳужумчиси Матиас Соуленинг агенти Мартин Гуастадисеньо мижозининг октябрь ойидаги ўйинлар учун Аргентина терма жамоаси таркибида йўқлигига изоҳ берди.
"У ёш аргентиналиклар орасида ҳали бир дақиқа ҳам ўйнамаган ягона футболчи. У "Рома"дек муҳим жамоада етакчига айланмоқда ва бунга ҳақли. Матиас - аргентиналик итальян ва Аргентина билан боғлиқ вазият ҳал бўлмаса, нима бўлиши мумкинлигини билмайман. Ҳозир ҳаммаси очиқ: юридик жиҳатдан у Италия терма жамоасига чақирилиш имкониятига эга," - дея Гуастадисеньонинг сўзларини келтиради TyC Sports.
22 ёшли Соуле 2025/26 йилги мавсумда барча мусобақаларда 8 та ўйинда майдонга тушиб, 3 та гол урди ва 2 та голли узатмани амалга оширди.
Аргентина терма жамоаси 11 октябрь куни Венесуэлага қарши, 14 октябрь куни эса Пуэрто-Рикога қарши ўртоқлик ўйинларида майдонга тушади.
