Япония футбол федерацияси техник директори самолётда болалар порнографиясини томоша қилгани учун шартли қамоқ ва 5 минг евро жаримага тортилди.
Жамоа билан U-20 Жаҳон чемпионатига учган 58 ёшли Масанага Кагеяма кадрлар нейротармоқ томонидан яратилганини ва Францияда бундай контент ноқонуний эканлигини билмаганини айтиб, ўзини оқлаган.
Япония U-20 жамоаси Чилида давом этаётган ЖЧда гуруҳ босқичидаги барча 3 та ўйинни ғалаба билан якунлади - Миср (2:0), Чили (2:0), Янги Зеландия (3:0) ҳисобида таслим қилинди. Улар 1/8 финалда Франция билан тўқнаш келади.
