Дин Хёйсен жароҳат туфайли тахминан икки ҳафта майдонга туша олмайди.
Эслатиб ўтамиз, "Реал" ҳимоячиси Испания терма жамоаси жойлашган ҳудудда жароҳат олган ва октябрь ойида терма жамоа сафида майдонга тушмайди.
Мадрид клуби футболчининг чап оёғи мушагидан жароҳат олгани аниқланганини маълум қилди.
El Chiringuito журналисти Хосе Луис Санчеснинг маълум қилишича, Хейсен 19 октябрь куни "Хетафе"га қарши ўйинни ўтказиб юборади, унинг Чемпионлар лигасида "Ювентус"га қарши ўйиндаги иштироки сўроқ остида. Шу билан бирга, футболчи 26 октябрь куни бўлиб ўтадиган "Барселона"га қарши ўйингача аниқ тикланади.
The Athletic нашри мухбири Гильермо Райнинг ёзишича, футболчи икки ҳафтадан ортиқ майдонга туша олмайди.
