Ўтмишда машҳур бўлган футболчи Алан Ширер "Бавария" форварди Харри Кейннинг келажаги ҳақида ҳазиллашди. Ширер Кейн Премьер-лигага қайтиши ва тўпурарлик рекордини янгилаши мумкинлиги ҳақида савол олди.

"Кейн менинг рекордимни янгилайдими? Бу мени умуман ташвишга солмайди. Бу шунчаки қувноқ мусобақа бўлса керак. Харрини билганим учун, у менинг рекордимни янгилашга интилаётганига ишончим комил, лекин унинг Германияда қолиш-қолмаслигини билмайман. Хуллас, у ерда яна икки-уч йил қолсин!", - деди Ширер.

Алан Ширер Англия Премьер-лигаси тарихидаги энг яхши тўпурар ҳисобланади, унинг ҳисобида 260 та гол бор. Харри Кейн эса 213 та гол билан 2-ўринда бормоқда.