Бруну Фернандеш мавсум охирида Саудия Арабистонига ўтишга қизиқмаяпти.
Ўтган ёзда португалиялик ярим ҳимоячи "Манчестер Юнайтед"да қолиш учун "Ал-Ҳилол" ва "Ал-Иттиҳод"нинг йирик таклифларини рад этган эди.
"МЮ" сардорига яқин манбалар унинг 2026 йилги жаҳон чемпионатидан кейин клубни тарк этишга ва Саудия Арабистонидан таклифни қабул қилишга тайёрлиги ҳақидаги миш-мишларни рад этди, деб ёзади BBC Sport.
Таъкидланишича, шартномаси 2027 йилгача мўлжалланган ва бир йилга узайтирилиши мумкин бўлган Фернандеш фақат Европанинг йирик лигаларига қизиқиш билдирмоқда. Аммо ҳозирча у "Юнайтед"га тўлиқ содиқ.
Португалиялик манкунианликларга яхшироқ натижага эришишда ёрдам беришга бел боғлаган.
Бундан ташқари, у мавсумни АПЛнинг кучли бешлигида якунлаб, клубга Чемпионлар лигаси йўлланмасини тақдим этишига ишонмоқда.
