Англиялик таниқли журналист Бен Жейкобс "Бавария" ҳужумчиси Харри Кейннинг келажакда "Манчестер Юнайтед"га ўтиш имконияти борлигини айтмоқда.
Тахминларга кўра, "Тоттенхэм" собиқ форварди Алан Ширернинг тўпурарлик рекордини янгилаш учун АПЛда яна камида бир неча мавсум ўтказишни режалаштирмоқда. Мумкин бўлган вариантлардан бири юлдузли инглизнинг "қизил иблислар" сафига ўтиши ҳисобланади.
"Кейннинг "Манчестер Юнайтед"га ўтиши сценарийсини кўряпман. У нафақат гол ура олади, балки жамоанинг бошқа футболчилари учун мураббийга айланади," - деб ҳисоблайди Бен Жейкобс.
Харри Кейннинг "Бавария" билан шартномаси 2027 йилгача мўлжалланган. Июль ойида мюнхенликлар ҳужумкор етакчиси 32 ёшни қарши олди.
