"Челси"да "Манчестер Юнайтед" ярим ҳимоячиси Кобби Майнуга қизиқиш сақланиб қолмоқда.

20 ёшли футболчи ўтган трансферлар даврида ижарага кетмоқчи эди, аммо "қизил иблислар" раҳбарияти уни қўйиб юбормади. Ўшандан бери инглизнинг кетиши ҳақидаги гап-сўзлар тинмаган ва унга даъвогарлардан бири "Челси" экани айтилганди. TEAMtalk тарқатган хабарга кўра, лондонликлар ҳамон Майнуни кузатиб бормоқда. "Кўклар" қишда хавбекни ўз сафига қўшиб олишга уринмасалар керак, аммо мавсум якунлангач, ўз олдиларига бундай мақсадни қўйишлари мумкин, дейди манба.

Transfermarkt портали Кобби Майнунинг нархини 50 млн еврога баҳоламоқда. Жорий мавсумда футболчи 6 марта майдонга тушиб, 1 та голли пас муаллифи бўлди.