Ҳимоячи Ибраима Конате келаси ёзда "Ливерпуль" билан шартномаси муддати тугаши муносабати билан эркин агент мақомига эга бўлиши мумкин. Матбуот французни мунтазам равишда Испания Ла Лигаси гранди - Мадриднинг "Реал" клуби билан боғламоқда.
Daily Mail’нинг ўз саҳифаларида ёзишича, "Ливерпуль" ҳамон Конате билан шартномани узайтирмоқчи, аммо бу борада "ҳозирча ҳеч нарса қилинмаган".
"Реал" Конатенинг ҳолатини кузатиб бормоқда, аммо бу 26 ёшли футболчи ёзда албатта Мадридга йўл олишини англатмайди, деб ёзади манба.
Ибраима Конате 2021 йилнинг ёзида "РБ Лейпциг"дан трансфер қилинганидан бери "Ливерпуль" шарафини ҳимоя қилмоқда.
