"Штутгарт"да ижара асосида тўп тепаётган "Бавария" посбони Александр Нюбель Мюнхен клубини бутунлай тарк этиши мумкин. Бу ҳақда журналист Флориан Плеттенберг хабар бермоқда.
Манбага кўра, 29 ёшли Нюбель келаси йили навбатдаги марта ижарага кетмоқчи эмас. Агар Мануэль Нойер "Бавария" билан шартномасини узайтирса, катта эҳтимол билан Нюбель клубни бутунлай тарк этади. Аммо айни дамда "Штутгарт"га ўтиш эҳтимоли кам, шу боис футболчи бошқа вариантларни излаши керак бўлади.
Қайд этилишича, Нюбелнинг "Бавария" билан шартномаси узайтирилганидан кейинги маоши йилига тахминан 11-12 миллион еврога етади.
Нюбель 2020 йилда "Бавария"га ўтган. Ўшандан бери у жамоада атиги тўртта ўйинда майдонга тушди.
