"Манчестер Сити" ҳимоячиси Йошко Гвардиол сафга қайтганидан кейинги ҳолати ҳақида фикр билдирди.
"Тиззамдаги жароҳат туфайли узоқ вақт ўйнамадим, аммо энди ҳаммаси жойида ва назорат остида. Бироқ чарчоқни ҳис қиляпман, чунки мавсумга етарлича тайёргарлик кўрмадим, ўйинлар эса кўп, аммо жамоага имкон қадар кўпроқ ёрдам беришга ҳаракат қиляпман", - дея Гвардиоланинг сўзларини келтиради Sport Witness.
Жорий мавсумда хорватиялик ҳимоячи барча мусобақаларни инобатга олган ҳолда олтита учрашувда майдонга тушди ва иккита ассистни ўз ҳисобига ёздириб қўйди.
