Мюнхеннинг "Бавария" клуби марказий ҳимоячиси Дайо Упамекано Германияни туманли "Альбион"га алмаштириши мумкин. Бу ҳақда Teamtalk хабар бермоқда.
Журналистлар хабарига кўра, франциялик футболчини АПЛнинг амалдаги чемпиони "Ливерпуль" ўз сафига қўшиб олмоқчи. Мерсисайдликлар футболчи билан музокараларни қишки трансферлар вақтида бошлашни режалаштирмоқда. Упамеканонинг мюнхенликлар билан амалдаги меҳнат шартномаси 2026 йилнинг ёзида якунига етади.
Жорий мавсумда ҳимоячи 14 та учрашувда иштирок этди. Франциялик футболчи битта голли узатмани ўз ҳисобига ёздириб қўйди. Transfermarkt портали унинг нархини 50 млн еврога баҳоламоқда.
