Франция терма жамоасининг қиймати 1,1 миллиард еврони ташкил этади. Transfermarkt маълумотига кўра, французлар Европадаги энг қимматбаҳо миллий жамоага эга.

Иккинчи ўринда 1,01 миллиард евролик қийматга эга бўлган Англия терма жамоаси турибди. Учинчи ўринни эса 979 миллион евро билан Португалия эгаллаган.

Кейинги ўринларда Испания (926 миллион евро) ва Италия (822 миллион) жойлашган. Европанинг энг қиммат ўнта терма жамоаси рўйхатига, шунингдек, Нидерландия (778 миллион), Германия (770 миллион), Бельгия (493 миллион), Швеция (460 миллион) ва Туркия (432 миллион) ҳам кирган.