Fransiya terma jamoasining qiymati 1,1 milliard yevroni tashkil etadi. Transfermarkt ma’lumotiga ko‘ra, fransuzlar Yevropadagi eng qimmatbaho milliy jamoaga ega.

Ikkinchi o‘rinda 1,01 milliard yevrolik qiymatga ega bo‘lgan Angliya terma jamoasi turibdi. Uchinchi o‘rinni esa 979 million yevro bilan Portugaliya egallagan.

Keyingi o‘rinlarda Ispaniya (926 million yevro) va Italiya (822 million) joylashgan. Yevropaning eng qimmat o‘nta terma jamoasi ro‘yxatiga, shuningdek, Niderlandiya (778 million), Germaniya (770 million), Belgiya (493 million), Shvesiya (460 million) va Turkiya (432 million) ham kirgan.