Португалиялик ярим ҳимоячи Жоау Палинья ижара асосида тўп тепаётган "Тоттенхэм"да қолишни истамоқда. Бу ҳақда журналист Флориан Плеттенберг хабар бермоқда.
Манбага кўра, 30 ёшли хавбекнинг "Бавария"га қайтиши даргумон. "Шпорлар" бош мураббийи Томас Франк Палиньянинг ўйинидан жуда мамнун, шу боис уни таркибда олиб қолишни истайди. Тўлиқ трансфер суммаси 25-30 миллион еврони ташкил этиши мумкин. Қайд этилишича, ҳозирча клублар ўртасида аниқ музокаралар олиб борилмаяпти.
Жорий мавсумда Палинья барча мусобақаларда 11 та ўйинда майдонга тушиб, рақиблар дарвозасини уч бор ишғол қилди.
