Portugaliyalik yarim himoyachi Joau Palinya ijara asosida to‘p tepayotgan "Tottenxem"da qolishni istamoqda. Bu haqda jurnalist Florian Plettenberg xabar bermoqda.
Manbaga ko‘ra, 30 yoshli xavbekning "Bavariya"ga qaytishi dargumon. "Shporlar" bosh murabbiyi Tomas Frank Palinyaning o‘yinidan juda mamnun, shu bois uni tarkibda olib qolishni istaydi. To‘liq transfer summasi 25-30 million yevroni tashkil etishi mumkin. Qayd etilishicha, hozircha klublar o‘rtasida aniq muzokaralar olib borilmayapti.
Joriy mavsumda Palinya barcha musobaqalarda 11 ta o‘yinda maydonga tushib, raqiblar darvozasini uch bor ishg‘ol qildi.
