13 октябрь куни Уругвай терма жамоаси ўртоқлик учрашувида Ўзбекистонни 2:1 ҳисобида мағлуб этди.
Ўйиндан сўнг Жанубий америкаликлар бош мураббийи Марсело Бьелса вакилларимиз ҳақида фикр билдирди.
«Ўзбекистон жуда интизомли, меҳнаткаш ва тартибли жамоалигини кўрдим. Биринчи таймда бизга босим ўтказишди. Оқибатда, тўп бизда бўлишига қарамай, ўйинимизни тўғри йўлга тушира олмадик. Фақатгина иккинчи таймга келиб босим бироз пасайди ва биз ҳужумлар орқали иккита гол уришга эришдик», - деди Бьелса.













