Франция миллий терма жамоаси ҳужумчиси Кристофер Нкунку ЖЧ-2026 саралаш босқичи доирасида Исландияга қарши ўтказилган сафардаги ўйиндан сўнг ўз фикрларини билдирди.
"Биринчи тўпни ўтказиб юборишимиз мумкин эмасди. Бу учрашувда жамоамиз ҳушёрлигини йўқотди, жуда эътиборсиз бўлдик. Ҳисобда олдинга чиққанимиздан кейин диққатимизни сақлаб қолишимиз лозим эди. Аммо бу футбол, бундай ҳолатлар содир бўлиб туради," - деб форварднинг сўзларини келтиради TF1.
Меҳмондаги муваффақиятсизликдан сўнг Дидье Дешам шогирдлари ўн очко тўплаб, ўз саралаш гуруҳида пешқадамлик қилмоқда. Французлар иккинчи ўринда бораётган Украинадан уч очко олдинда турибди.
