Fransiya milliy terma jamoasi hujumchisi Kristofer Nkunku JCH-2026 saralash bosqichi doirasida Islandiyaga qarshi o‘tkazilgan safardagi o‘yindan so‘ng o‘z fikrlarini bildirdi.
"Birinchi to‘pni o‘tkazib yuborishimiz mumkin emasdi. Bu uchrashuvda jamoamiz hushyorligini yo‘qotdi, juda e’tiborsiz bo‘ldik. Hisobda oldinga chiqqanimizdan keyin diqqatimizni saqlab qolishimiz lozim edi. Ammo bu futbol, bunday holatlar sodir bo‘lib turadi," - deb forvardning so‘zlarini keltiradi TF1.
Mehmondagi muvaffaqiyatsizlikdan so‘ng Didye Desham shogirdlari o‘n ochko to‘plab, o‘z saralash guruhida peshqadamlik qilmoqda. Fransuzlar ikkinchi o‘rinda borayotgan Ukrainadan uch ochko oldinda turibdi.
