Аргентина ва Испания ўртасидаги Финалиссима учрашуви Қатарда бўлиб ўтиши мумкин.

Америка Кубоги-2024 ва Евро-2024 ғолиблари ўртасидаги ўйинни АҚШ ёзда ўтказишни режалаштирганди. Кейинчалик терма жамоалар тақвимининг тиғизлиги туфайли ўйин 2026 йилнинг март ойида бўлиб ўтиши мумкинлиги маълум бўлди.

Marca хабарига кўра, ўйин ўтказиладиган сана сифатида 28 март танланган. Ўйин ўтказиладиган жой ҳали аниқланмаган, бироқ Доҳа ва маҳаллий "Лусаил" стадиони энг оммабоп вариант ҳисобланади.

Бунинг бир нечта сабаблари бор: мамлакатлар ўртасидаги масофа, қулай иқлим ва Қатар пойтахти ФИФА президенти Жанни Инфантинонинг асосий қароргоҳи эканлиги.

Эслатиб ўтамиз, айнан шу стадионда Аргентина терма жамоаси ЖЧ-2022 финалида Францияни мағлуб этганди.