Испания терма жамоаси ўз майдонида ЖЧ-2026 саралашидан ўрин олган учрашувда Болгарияни мағлуб этди - 4:0.

Мезбонлар сафида Микель Мерино дубль қайд этган бўлса, бир гол Микель Ойярсабаль ҳисобига ёзилди, яна бир голни меҳмонлар ҳимоячиси Атанас Чернев ўз дарвозасига жойлаб қўйди.

Испания 12 очко билан Е гуруҳида пешқадамлик қилмоқда. Болгария сўнгги, тўртинчи ўринни эгаллаб турибди, жамоа 4 ўйинда бирорта ҳам очко тўплай олмади.

Параллел кечган ўйинда Туркия терма жамоаси ўз майдонида Грузияни мағлуб этди - 4:1.

Мезбонлар сафида икки голга Мехрик Демирал муаллифлик қилган бўлса, Кенан Йилдиз ва Юнус Акгун биттадан тўп киритди. Меҳмонларнинг ягона голи Георгий Кочорашвили ҳисобига ёзилди.

Туркия 9 очко билан Е гуруҳида иккинчи, Грузия 3 очко билан учинчи ўринда бормоқда.