"Ювентус" клуби ва Италия терма жамоаси ярим ҳимоячиси Мануэль Локателли мураббий Женнаро Гаттузо ҳақида фикр билдирди.
Сешанба куни италияликлар янги мураббий қўл остида навбатдаги ғалабани қўлга киритишди ва ўз уйларида Исроил терма жамоасини тор-мор этишди (3:0).
"Мен мураббийимизни яхши биламан ва унинг энг кучли томони - у ҳамма нарсани юзига айтади. Бу жуда муҳим мураббийлик сифати бўлиб, биз футболчиларга катта фойда келтиради. Бугун у кийиниш хонасида яна ажойиб нутқ сўзлади", - деди Локателли RAI Sport нашрига берган интервьюсида.
Июнь ойида Лучано Спаллетти ўрнига "Скуадра адзурра" бошқарувини Женнаро Гаттузо эгаллаганди.
