Мадриднинг "Реал" клуби яримҳимоячиси Винисиус Жуниорнинг агентлари испан клубидан мижозининг ҳафталик маошини анча оширишни сўрашмоқда.
Ҳозирда бразилиялик вингер ҳафтасига тахминан 280 минг фунт стерлинг иш ҳақи олади. Бироқ унинг вакиллари янги шартномада бу миқдорни 380 минг фунтгача оширишни талаб қилмоқда.
"Реал" раҳбарияти Винисиусга шартномани узайтириш бўйича расмий таклиф бермоқчи, аммо футболчидан молиявий талабларини бироз камайтиришни сўрамоқда.
Жорий мавсумда Винисиус 10 та ўйинда майдонга тушиб, 5 та гол урди ва 4 та голли узатма амалга оширди.













