«ФУТБОЛ ШАРҲИ». 2013 ЙИЛ.
БОШЛОВЧИ: - Ассалому алайкум, ҳурматли футбол ишқибозлари! «Футбол шарҳи»нинг навбатдаги сони яна эфирда. Бугунги меҳмонимиз — Ўзбекистон терма жамоаси ва Осиё чемпионлар Лигаси плей-офф иштирокчиси «Бунёдкор» клуби бош мураббийи Миржалол Қосимов.
Миржалол ака, хуш келибсиз.
МИРЖАЛОЛ ҚОСИМОВ: - Рахмат. Келду.
Б: - Сизга яхши маълумки, куни кеча терма жамоамиз Қатар терма жамоасини қабул қилиб, бббешу бир ҳисобида ғалаба қозонди. Миржалол Қўшоқович, сизни чиройли ғалаба билан табриклайман.
М.Қ.: - Рахмат. Қўлдан келганча ҳаракат қилду. Боллагаям рахмат
Б: - Биринчи таймда ўйинимиз қовушмаётганди, иккинчи таймда эса бббешта гол киритдик. Миржалол ака, танаффусда футболчиларга (кулади) нималар дедингиз?
М.Қ.: - Боллага тўғри тушунтирдим. Бугун ютолмасе жаҳон чемпионатида ўйнолмимиз-а, дидим. Боллага рахмат, мани тушунишди.
Б: - Афсуски, Жанубий Корея терма жамоаси ўз майдонида Эрондан мағлубиятга учради ва биз тўғридан-тўғри мундиал йўлланмасини қўлга кирита олмадик. Миржалол Қўшоқович, сиз кутганмидингиз, Кореянинг ютқазиб қўйишини?
М.Қ.: - Йўқ. Ман олдинам айтувдим, Эронга омад кевотти ҳадеб. Қатардаям рикошетдан кейин гол уришди, Сеулдаям яримта момент булди, голга айлантиришди.
Б: - Нима деб ўйлайсиз, тақвим ҳам рол ўйнагандир. Ахир, агар ўйин аввалроқ бўлганида, Корея кучлироқ ўйин кўрсатган бўлармиди, тўғрими?
М.Қ.: - Тўппа тўғри.
Б: - Яна, эътибор берган бўлсангиз, ҳакамлар ҳам рақибларимизга ёрдам бериб юборди. Корея икки марта 90+7 дақиқада гол урди. Эрон билан ўшз майдонимизда голимизни ҳисоблашмади. Нима деб ўйлайсиз, агар ҳакамлар холис бўлганларида биз жаҳон чемпионатига чиқармидик?
М.Қ.: - Албатта, албатта.
Б: - Миржалол Қўшоқович, биринчи таймда ўнтадан ортиқ ўта хавфли вазият яратиб, ҳужумчиларимиз голга айлантира олишмади. Александр Гейнрихнинг ўзида бешта 100 фоизлик имконият бўлди. Нима деб ўйайсиз, агар Гейрих вазиятлардан фойдаланганда, биз 7:1 га ғалаба қозонишимиз мумкиндими?
М.Қ.: - Албатта, бу футбол.
Б: - Лекин терма жамоамиз бир таймда бббешта гол уриб, иродали ғалаба қозонганликлари, кейинги ўйинларда руҳий далда бўладими?
М.Қ.: - Албатта, айтвомману, бу футбол
Б: - Нима бўлгандаям, биз Корея ва Эрон билан тенгма тенг курашдик. Уларнинг футболчилари Германия, Англия чемпионатларида қатнашишади, тўғрими? Балки миллий чемпионатимизни кучайтириб, бизда ҳам шундай легионерларни кўпайтирсак, масқадга эришармиз?
М.Қ.: - Албатта.
Б: - Нима бўлгандаям, биз 14 очко тўпладик. Нариги гуруҳда 13 очко олган жамоа ҳам тўғридан тўғри жаҳон чемпионатига чиқди. Бу ҳақида қанақа фикрдасиз?
М.Қ.: - Тўғри, нариги гуруҳда 13 очко билан ҳам чиқишди.
Б: - Миржалол Қўшоқович, сиз иккинчи марта жаҳон чемпионати сўнгги босқичида қатнашяпсиз. Ўтган сафар иккита, бу сафар битта мағлубиятдан сўнг қабул қилиб олдингиз ва ҳар икки сафар ҳам сўнгги тургача курашдингиз. Бу ҳақида нима дея оласиз?
М.Қ.: - Тўғри, икки марта курашдим.
Б: - Нима бўлгандаям, бу натижани муваффақиятли дейишимиз мумкин, тўғрими? Эрон билан Тошкентдаги ўйинда сиз мураббий эмасдингиз. Айтингчи, ўшанда очко йўқотмаганимизда жаҳон чемпионатига чиққан бўлармидик?
М.Қ.: - Албатта, ўшанда уч очко олганимизда ҳозир очколаримиз 17 та бўларди ва гуруҳда биринчи ўринни олардик.
Б: - Нима бўлгандаям, сиз 7 ўйинда 14 очко жамғардингиз. Корея терма жамоаси мураббийи эса 8 ўйинда 14 очко жамғарди.
- Қизу, ман эътибор бермаган эканман.
Б: - Энди бўлажак рақиб - Иордания ҳақида нима дея оласиз?
М.Қ.: - Иордания жуда кучли жамоа. Япония ва Австралияни ҳам ўз майдонларида енгишди. Бу футбол. Мухлислани хурсанд қилишда давом этамиз-а.
Б: - Рахмат. Шу билан «Футбол шарҳи» дастури ўз ниҳоясига етди. Миржалол Қўшоқович, сизга кейинги ишларингизда омад тилаб қоламиз.
«ФУТБОЛ ШАРҲИ». 2012 ЙИЛ.
БОШЛОВЧИ: - Ассалому алайкум, қадрли футбол мухлислари. Бугунги меҳмонимиз Олимпия терма жамоамиз бош мураббийи Вадим Абрамов. Маълумки, олимпия терма жамоамиз сўнгги турда ўз майдонида БАА олимпия терма жамоасига имкониятни бой берди ва курашни плей-оффда давом эттирадиган бўлди.
Б: - Карленич, Лондон йўлланмаси ҳам хавф остида қолди. Бу ҳақида нима дея оласиз?
ВАДИМ АБРАМОВ: - Ну, что я могу сказать. Мы..
Б: - Жамоанинг мағлубиятида ўзингизни айбдор деб биласизми?
В.А.: - Ну да, наверное..
Б: - Демак айбингизни тан оласиз, шундайми?
В.А.: - Я же вам сказал...
Б: - Карленич, араблар биринчи голни Бобур Омоновнинг хатоси билан киритишди. Омоновни таркибга қўйиб хато қилганингизни тан оласизми?
В.А.: - Как вам сказ..
Б: - Ўзбек футбол мухлислари орзулари чил чил бўлди. Бу ҳолда асосий айбдор сифатида нималар дейишингиз мумкин?
В.А.: - Да, значить так.
Б: - Карленич, терма жамоамиз бундан ҳам яхшироқ ўйнаши мумкинмиди?
В.А.: - Да.
Б: - Ундай бўлса, демак, бундан яхшироқ ўйнамаганига айбдорсиз, шундайми?
В.А.: - Да!!! А другие вопросы есть?
Б: - Нима бўлгандаям, терма жамоамиз ғалаба қозониши мумкин эди. Бизга нима етишмади, деб ўйлайсиз?
В.А.: - Ну психология, наверное. Например комменты в сайтах
Б: - Демак, ҳаммасига сайтлардаги изоҳлар айбдор шундайми?
В.А.: - Да нет, я тоже. Вот например, Эмиратам присудили три очко из воздуха...
Б: - Лекин сиз БАА га уч очко беришганини аввалдан билардингиз-ку, тўғрими? Демак барибир айбдорсиз. Тан оласизми? Кечирим сўрайсизми?
В.А.: - Да!
Б: - Қачон кечирим сўрайсиз?
В.А.: - Вот, я же беру всю ответственность за поражение на себя.
Б: - Яна кечирим сўрайсизми?
В.А.: - Да!!!!! Да!!! Сийчконний думийниям ман кесдийм, ман!!!
Б: - Шу билан «Футбол шарҳи» кўрсатувининг навбатдаги сони ниҳоясига етди.
Наримон АЪЗАМОВ
Хива шаҳри.
