"Бавария" вингер Серж Гнабри билан шартномани узайтириш имкониятини кўриб чиқмоқда.

30 ёшли футболчининг амалдаги келишуви мавсум якунлангач ўз ниҳоясига етади. Хабарингиз бор, Гнабри "Бавария"да қолишни истамоқда ва маошини қисқартиришга ҳам тайёр. Журналист Флориан Плеттенбергнинг ёзишича, мюнхенликлар раҳбарияти тажрибали германиялик футболчи билан янги шартнома имзолашга тайёр. Шубҳасиз, агар музокаралар бошланса, Сержга ҳозирги маошига нисбатан анча камроқ пул таклиф қилишади.

Жорий кампанияда Гнабри ўнта ўйинда учта гол урди ва тўртта голли узатмани амалга оширди.