"Ал-Ҳилол" ярим ҳимоячиси Сергей Милинкович-Савич келаси йили жамоасини ўзгартириши мумкин.

Сербияликнинг Саудия гранди билан амалдаги шартномаси жорий мавсум якунлангач ўз ниҳоясига етади. Агар томонлар яқин ойларда келиша олмаса, январь ойидаги трансферлар ойнасида хавбекнинг кетиши сценарийси юзага келиши ҳеч гап эмас.

Журналист Экрем Конурнинг ёзишича, 30 ёшли футболчининг хизматларини Туркиянинг "Галатасарой" ва "Фенербаҳче" клубларига таклиф қилишган. Вазиятни Миланнинг "Интер", "Ювентус" ва номи ошкор этилмаган Англия Премьер-лигаси вакиллари ҳам кузатиб бормоқда.

Сергей Милинкович-Савичнинг Transfermarkt порталидаги нархи 17 млн еврога баҳоланмоқда. Саудия Арабистонига кўчиб ўтишдан олдин футболчи саккиз йил давомида Италиянинг "Лацио" жамоасида ўйнаган.