Бразилиялик ҳимоячи Витор Рейс "Манчестер Сити"га ўтиши ҳақидаги таассуротларини айтиб берди. 2025 йил бошида "шаҳарликлар" 19 ёшли футболчи учун қарийб 40 миллион евро тўлаган эди.
"Ҳамма нарса жуда тез содир бўлди. "Манчестер Сити" таклиф қилганида, бу мен учун катта қувонч бўлди. Оилам менга катта ёрдам кўрсатди ва мен вазиятни яхши енгиб ўтдим," - дея Рейснинг сўзларини келтиради Sky Blues.
Ёзда ҳимоячи Хосеп Гвардиола қўл остида деярли ўйнамагани сабабли "Манчестер Сити"дан "Жирона"га ижара асосида ўтган эди. Каталония клуби сафида Рейс Испания чемпионатининг 7 та ўйинида иштирок этди.
