"Бетис" ярим ҳимоячиси Антони Испания чемпионатининг "Вильярреал"га қарши ўйинидаги якуний натижага муносабат билдирди. Тўққизинчи тур ўйини 2:2 ҳисобида якунланди.
Ўйин давомида "Вильярреал" 2:0 ҳисобида олдинда бораётган бўлса-да, 67- ва 94-дақиқаларда гол ўтказиб юбориб, устунликни сақлаб қола олмади. Бразилиялик футболчи Антони дубль қайд этди.
"Жуда бахтлиман. Албатта, биз бу ўйиннинг муҳимлигини билган ҳолда 3 очко олишни хоҳлагандик, аммо уларнинг жамоаси жуда сифатли ва 1 очко кейинги ўйинлар учун ҳам муҳим. Биз мавсумни жуда яхши бошладик, асосийси - сафарда очко йўқотмаслик," - дея футболчининг сўзларини келтиради Marca.
