"Betis" yarim himoyachisi Antoni Ispaniya chempionatining "Vilyarreal"ga qarshi o‘yinidagi yakuniy natijaga munosabat bildirdi. To‘qqizinchi tur o‘yini 2:2 hisobida yakunlandi.
O‘yin davomida "Vilyarreal" 2:0 hisobida oldinda borayotgan bo‘lsa-da, 67- va 94-daqiqalarda gol o‘tkazib yuborib, ustunlikni saqlab qola olmadi. Braziliyalik futbolchi Antoni dubl qayd etdi.
"Juda baxtliman. Albatta, biz bu o‘yinning muhimligini bilgan holda 3 ochko olishni xohlagandik, ammo ularning jamoasi juda sifatli va 1 ochko keyingi o‘yinlar uchun ham muhim. Biz mavsumni juda yaxshi boshladik, asosiysi - safarda ochko yo‘qotmaslik," - deya futbolchining so‘zlarini keltiradi Marca.
