"Манчестер Юнайтед" бош мураббийи Рубен Аморим АПЛ доирасида "Ливерпуль"га қарши ўйиндан сўнг (2:1) ўз фикрларини билдириб ўтди.
"Манчестер Юнайтед"даги фаолиятим давомида эришган энг катта ғалабам деб ўйлайман. Бугун бу ғалаба жуда кўп нарсани англатади, лекин эртага у камроқ аҳамиятга эга бўлиб қолади. Бу атиги уч очко, лекин жуда яхши ғалаба. Ҳар бир тўп учун курашдик. Иккинчи бўлимда бироз ўзимизни йўқотиб қўйдик, аммо жамоа руҳияти сақланиб қолди ва бу энг муҳими. Руҳ бўлса, ҳар қандай ўйинда ғалаба қозониш мумкин.
Оқшом жуда яхши ўтди. Энди бу ўйиндан бироз завқланиб, кейинги ўйинга эътибор қаратамиз. Мен аллақачон "Брайтон" ҳақида ўйлаяпман," - деди Аморим Sky Sports’га.
"Манчестер Юнайтед" айни дамда Премьер-лига турнир жадвалида тўққизинчи ўринда бормоқда.
