"Manchester Yunayted" bosh murabbiyi Ruben Amorim APL doirasida "Liverpul"ga qarshi o‘yindan so‘ng (2:1) o‘z fikrlarini bildirib o‘tdi.

"Manchester Yunayted"dagi faoliyatim davomida erishgan eng katta g‘alabam deb o‘ylayman. Bugun bu g‘alaba juda ko‘p narsani anglatadi, lekin ertaga u kamroq ahamiyatga ega bo‘lib qoladi. Bu atigi uch ochko, lekin juda yaxshi g‘alaba. Har bir to‘p uchun kurashdik. Ikkinchi bo‘limda biroz o‘zimizni yo‘qotib qo‘ydik, ammo jamoa ruhiyati saqlanib qoldi va bu eng muhimi. Ruh bo‘lsa, har qanday o‘yinda g‘alaba qozonish mumkin.

Oqshom juda yaxshi o‘tdi. Endi bu o‘yindan biroz zavqlanib, keyingi o‘yinga e’tibor qaratamiz. Men allaqachon "Brayton" haqida o‘ylayapman," - dedi Amorim Sky Sports’ga.

"Manchester Yunayted" ayni damda Premyer-liga turnir jadvalida to‘qqizinchi o‘rinda bormoqda.