Мадриднинг "Реал" клуби бош мураббийи Хаби Алонсо жамоа ярим ҳимоячиси Арда Гюлер ҳақида фикр билдирди.
"Мен Леверкузеннинг "Байер" клубида ишлаганимда, Арда Гюлерни ўз жамоамда кўришни хоҳлардим, чунки у ноёб истеъдодга эга. Энди "Реал"га мураббийлик қилаётганимда, унинг жамоамда ўйнаётганидан жуда хурсандман. Арда - "Реал"нинг келажаги ва у бир кун келиб "Олтин тўп"ни қўлга киритади. Унинг Мбаппе билан муносабати кундан-кунга яхшиланиб бормоқда," - деди Алонсо.
Жорий мавсумда 20 ёшли Гюлер барча мусобақаларни ҳисобга олган ҳолда 11 та ўйинда майдонга тушиб, 3 та гол урди ва 5 та голли узатмани амалга оширди.
